10 ივლისს, „ალიანს ჯგუფი კაპიტალი“ ბიზნესის განვითარების გამოფენაში იღებს მონაწილეობას, რომელიც საგამოფენო ცენტრ „ექსპო ჯორჯიაში“ ტარდება.
გამოფენაზე დამსწრეებს შესაძლებლობა ექნებათ პირადად შეხვდნენ „ალიანს ჯგუფი კაპიტალის“ წარმომადგენლებს, გაესაუბრონ მათ და მიიღონ დეტალური ინფორმაცია კომპანიის მომსახურებების შესახებ. საინვესტიციო და საკონსულტაციო მომსახურებებთან ერთად, „ალიანს ჯგუფი კაპიტალი“ ახალ მიმართულებას – ბიზნეს ტრეინინგებს წარადგენს.
გამოფენაში მონაწილეობას იღებენ კომპანიები შემდეგი სფეროებიდან, კონსალტინგი, კვლევითი ორგანიზაციები, ტრენინგ ცენტრები, ბანკები, სადაზღვევო კომპანიები, საინვესტიციო ფონდები, საერთაშორისო და დონორი ორგანიზაციები.
გამოფენის პარალელურად, ტარდება კონფერენცია უცხოელი სპიკერებისა და ადგილობრივი ექსპერტების მონაწილეობით. გამოფენაზე დასწრება ყველა დაინტერესებული პირისთვისაა შესაძლებელი.